«Վանք» հիմնադրամը ֆինանսական աջակցություն է տրամադրել Դիլիջանի զարգացման հիմնադրամի՝ նոր եկեղեցին կառուցելու նախագծին:
Եկեղեցին նախագծվել է հայտնի ճարտարապետ Մաքսիմ Աթայանցի կողմից:
Տեղակայված լինելով Աղստև գետի ափին՝ եկեղեցին քաղաքի կենտրոնական հատվածի զարգացման ծրագրի անբաժանելի մաս է: Այն կարևոր դեր կստանձնի քաղաքի համայնքային, մշակութային և կրթական կյանքի զարգացման մեջ:
Ծրագիրը նաև կնպաստի գետափնյա հատվածի բարեկարգմանը՝ գեղեցկացնելով հետիոտներին հարմարացված, ծառածածկ գոտիները: