Այս տարվա հոկտեմբերին «Սպարտակ» ֆուտբոլային արենայում անցկացվեց վետերանների թիմերի մրցաշար՝ նվիրված 1956 թվականի օլիմպիական չեմպիոն Նիկիտա Սիմոնյանի 99-ամյակին։ Հայաստանի ֆուտբոլի վետերանների միությունը մրցաշարին մասնակցեց «Վանք» հիմնադրամի ֆինանսական աջակցությամբ։
Գլխավոր մրցաշարից հետո տեղի ունեցավ ընկերական խաղ Ֆուտբոլի վետերանների միության հավաքականի և Հայաստանի ֆուտբոլի վետերանների միության միջև։ Հայաստանի թիմի կազմում էին այն խաղացողները, ովքեր Նիկիտա Սիմոնյանի ղեկավարությամբ 1973 թվականին «ոսկե դուբլ» են գրանցել՝ նվաճելով ԽՍՀՄ առաջնությունը և գավաթը։
Թիմերի կազմում հանդես եկան հայտնի ֆուտբոլիստներ Ալեքսանդր Չերկեսը, Ալբերտ Սարգսյանը, Ռոման Վոյդելը, Արթուր Քոչարյանը, Անդրեյ Մուրնինը, Համլետ Մխիթարյանը և ուրիշներ։
Դիտարժան խաղն ավարտվեց 4:1 հաշվով՝ Ռուսաստանի ֆուտբոլի վետերանների միության օգտին։